Body Language Gesture Jinse Sab Aap Ko Pasand Karein

Body Language

Top 5 Body Language Gesture Jinse Sab Aap Ko Pasand Karein

Body Language Gesture Jinse Sab Aap Ko Pasand Karein

To read this article in English please click here

Body Language – Hum hamesha iske bare mein sunte aa rahe hain par ye itni zaroori kyun hai? Jo cheez hum sabse pehle kisi mein dekhte hain uske bolne aur baat karne se bhi pehle woh hai uss person ki Body Languge. Kisi person ki body language se hum pata laga sakte hain ki woh kaisa feel kar raha hai, aapki body language kisi conversation ko achchha aur kharab kar sakti hai, aap body language dekhke person ka intension bhin pata kar sakte hain, iske alaawa person ka background bhi judge kar paate hain. Humari poori conversation mein hum sirf 7% words (shabdon) ka istemal karte hain aur baaki time (93%) hum humari body language ka use karte hain apni baat ko kehne ke liye. Body Language ka bahut bada role hota hain jab hum kisi se interact karte hain. To jab bhi aap kisi ki good books mein aana chahein, ya kisi ko attract karna chahein, ya phir koi deal close karna chahte hain to apni bahtareen body language ko use karein.

Aap doosron ko kya dikhana chahte hain?

Bahut saare reasons ho sakte hain jinki wajah se aap chahte hain ki sab apko pasand karein jaise:

  • Aap apni body language se logon ko show kar sakte hain ki aap welcoming aur approachable hain.
  • Aapki body language ye bhi show karti hai ki aap confident aur capable hai.
  • Group ka hissa banne ke liye ya group mein stand out dikhne ke liye.
  • Doosron ya kisi special 😉 ko impress karne ke liye.
  • Nayi opportunities ko create karne ke liye.

1 – Smile

  • Classic smile, ek achchhi shuruat bahut zaroori hai. Yaad rakhein aapki smile natural honi chhiye.
  • Smile ki timing bahut important hai. Wahin smile kariye jahan zaroori ho.
  • Smile ke liye sahi time, jab aap kisiki baat se sehmat hon, ya jab kisiko greet karein aur jab kisiko good-bye karein.
  • So aapko kaisa lagta hai jab koi aapko smile deta hai? Aapko khushi aur welcome ki feeling hoti hai, Sahi hai na? 🙂

Top 5 Body Language Gestures to Make Anyone Like You

2 – Eye Contact

  • Jab aap baat karein to person ki aankhon mein dekh ke bolein naaki aap baat kisi se kar rahe hain aur dekh kahin aur rahe hain.
  • Jab aap eye contact karein to aapki body us person ki taraf honi chahiye. Isse person ko lagta hai ki aap usko poora attention de rahein aur aap uss person ko value karte hian.
  • Aajkal hum apna phone apne saath rakhte hain, yaad rakhein baar baar phone check karna bahut irritate karta hai. Jab zaroori ho tabhi phone check karein. Jab koi apne phone mein chipka rehta hai to aas paas ke logon ko lagta hai ki aap unse baat karne mein interested nahin hain. Ye achchha impression nahin deta aur main sure hoon aap bhi apne ko kharab nahin dikhana chaheinge.
  • Aur ye bhi dhyan dein ki aap kitni der samne wale person ki aankhon mein dekhein. Kisi ko ghoorna nahin hai, beech beech mein blink aur idhar udhar bhi dekh lijiye. Kisiko ko lagataar dekhne se woh conscious ho jata hai aur uncomfortable feel karta hai.

3 – Fidgeting (Hilna Dulna)

  • Jab aap kisi ke saamne hilte dulte hain to saamne wale person ka attection aapki baat se hat jata hai. Aur woh sochne lagte hai ki aap itna hil kyun rahe hain. Aap ko ise avoid karna hoga. 🙂
  • Fidgeting jaise aap baar baar apne face ko touch karein, ya phir nose scratch aur wipe karna.
  • Apne cloths aur hairs ko adjust karna.
  • Apni ungliyon ko tap karna ya pairon ko hilana.
  • Agey peechhey hilna.

Top 5 Body Language Gestures to Make Anyone Like You

4 – Hands

  • Jab hum open aur honest hote hain to apni baat ko kehne ke liye apne hathon ko freely istemal karte hain.
  • Jab koi jhoot bolta hai to woh apne hathin ko peechhe kar leta hai, hathon ko bandh leta hai ya phir hathon ko pocket mein daal lata hai.
  • Jab koi apna aggression dikhata hai to woh zaada taqat se aapka haath dabata hai hand shake ke time, apne haath cross kar leta hai ya phir aapki taraf finger point karke baat karta hai.
  • Jab aap open hand gesture karte hain to ye show karta hai ki aap friendly hain.

5 – Body Posture

  • Seedhe baithne aur jhuk ke baithne mein kya faraq hai?
  • Humein maloom hain ki seedhe baithna matlab attentive hokar baithna hai aur Jhuk ke baithne ka matlab hai feeling lazy. Isse ye bhi pata chalta hai ki person kitna confident hai aur confident hona bahut hi atrractive quality hai.
  • Apne aapko mirror mein dekhein aur apne posture ko correct karein. Shoulder ko peechhe karein seedhe khade hon aur sar ko uppar karein.
  • Ab aap apne posture ko jante hain aur aap stiff nahin dikhna chaheinge. Hum apni daily life mein apni body posture ko neglect karte aate hain. Apne friends ya kisi family memberse poochein unki thoughts kya hain.
  • Jo inn chheezon par dhyan dete hain woh aapko relax nazar aate hain.

So aapko kaise pata chalega hi koi aapko pasand karta hai? Unhi se direct feedback lein. Kya woh aapko smile back kar rahe hain, aapka eye contact regularly ho raha hai possibly same time aur same tarah se.  Woh bhi aapko signal de rahe honge apni body language se jo aap read kar sakte hai 🙂 . Personality development mein ise “Mirroring” sign kehte hain jab koi aapko like karta hai.
Bahut obvious hai na? (hum sab ne SRK ko apni simran ko kehte dekha hai “Palat”  😉 ). Apne kisi friend se kahein aap par naar rakhe 😛 . Improvement ki gunjaish hamesha hoti hai. 🙂

Until next time.

Jasmine

Image Sources: 1, 2, 3.


Leave a Reply

Your email address will not be published. Required fields are marked *