Host the Perfect Dinner Party

Stress Management, Manners & Etiquettes

Stress Free Dinner Party Host Karne Ke Tips

Host the Perfect Dinner Party

To read this article in English please click here

EID SPECIAL

Aapne friends aur family ko dinner party par bulaya hai…. bahut maza aayega :).
Khoob saara delicious khana, family aur friends, dher saari batein aur ye saara magical special moment thanks to the host. aap ko lag raha hoga ki wah itna aasaan hai. Lakin kya aap kisi dinner party ko yaad karein jo bilkul typical aur simple ho? Unko aap flop parties bhi keh sakte hain. Yeh harsh words hain na? Aisa kyun, kyunki host ne apna kaam bakhoobi nahin kiye, jo hai guest ko entertain karna. Jab aapko apne haath ka khana khilaana ho aur apni cooking skills ko dikhana ho. Yaad rahein ki aap sirf cook hi nahin hain aap host hain is dinner party ki aur yeh ek opertunity hai jismein aapko shine karna hai aur logon ke liye iss party ko memorable banana hai. Aap ko ab ghabrane ki zaroorat nahin iss post ko parhiye aur seekhiye ki aap kaise maza kar sakte hain baghair kisi stress ke. 🙂

1 – Apne Time Ko Plan Karein

Jab aap kisi cheez ki preprations mein lage hote hain to time bhaag raha hota hai. Ye kuchh tips hain jinka use karke aap apne big dinner party ke time ko track kar sakte hain. Apne aap ko thoda extra time dein taki sari preprations asaani se ho sake.

  • Achchhe se neend poori karke so lein taki party wale din full speed se kaam kar sakein.
  • To-do-list bana lein job hi aap ko karna hai.
  • Time se pehle hi shuruat karein ye naa sochein ki abhi bahut time hai. 15 minutes pehle ka matlab time par hain aap. Aap ka bahut saara time idhar udhar ke kaamon mein nikal jata hai jo aap ne plan nahin kiye hote. Jaise kuchh garbar ho gayi :P. Guest wait karna mind nahin karte par kitni der?
  • Apne kitchen mein dekh lein kitni jagah hai, kitne stoves hain, oven aur fridge mein kitni jagah hai. Kya aap sari dishes ek saath bana sakte hain?
  • Kya aap pehle se kuchh bana ke rakh sakte hai? Isse aap ka time bachega aur aapko zaada time milega guests ke ko attend karne ka.
  • Guests ki diet ke hisaab se hi khana banayein.

Host the Perfect Dinner Party

2 – Relax

Enjoy karein. Kyunki aapne pehle se sari planning kari hai aur sab kuchh plan se according hai. Party ko enjoy karein.

  • Guests se khoob milein aur baat karein. Aap kitchen par nazar rakhein par sirf kitchen ke hokar mat reh jaayein. Aap kahin nazar nahin aayeinge to guests bhi uncomfortable feel kareinge.
  • Wahi dishes banayein jismein aap comfortable hon. Experiment aap apne khali time par kar sakte hain. Koi nayi flavored drink nahin try karein jo abhi market mein aayi hon ya koi aisi cheez na banayein jo abhi tak nahin banayi ho. Agar aap kuchh naya bana hi chahte hain to pehle ek do baar party se pehle try kar lein.
  • Ye bhi dhyaan rahein ki bahut complicated dishes ke preprations ke liye zaada time chahiye hota hai. Yaad rahe ki simple ho par behtareen ho. Common courses par hi focus karein starter, main dish aur dessert.
  • Kisi se zaada expect na karein. Aap ne apni taraf se poori koshish kari hai. ab relax karein aur sab kuchh flow mein hone dein. Kuchh critic to party mein hote hi hain to mind na karein kyunki aap jante hain unki to aadat hi hai. 🙂
  • Ghaltiyon pe zaada dhyan na dein aksar logon ko pata hi nahin chalta ki kya gharbar huyi thi.

Host the Perfect Dinner Party

3 – Host Baniye

  • Dinner parties bahut intimate hoti hain sab ek jagah par saath hote hain. Sabse milne julne aur baat karne ka aur ek doosre ko janne ka mauka milta hai. Sabke saath enjoy karein.
  • Agar aap abhi bhi kitchen mein busy hai aur koi guest aa jaye to usko greet karein aur baithalein. Aap host hain party ke to aapko hi lead karna padega isse ek achchha atmosphere banta hai party ke liye.
  • Music honi chahiye. Soothing light music jo aapki baton mein dakhal na de. Soft soothing background mein chalni chahiye. Yaad rahe koi DJ music nahin honi chahiye.

Kis dinner party ko aap ne sabse zaada enjoy kiya? Mujhe neeche comment karke batayein ya tweet karein @PDHotspot par.

Until next time.
Jasmine

Image Sources: 1, 2, 3.


Leave a Reply

Your email address will not be published. Required fields are marked *