Spoken English

Spoken English Ke Liye Apna Confidence Kaise Banayein


Spoken-English-Confidence

To read this article in English please click here

Main janti hoon ki aap kar sakte hain aur aap jante hain ki aapko Spoken English aati hai kyunki aap kafi time se practice kar rahe hain. atleast aapko basic sentences to aate hain. Par main samajh sakti hoon ki English bolna kitna darawna kota hai. Jab main India pehli baar aayi thi to mujhe Hindi bolne mein bahut dar lagta tha, mera pronunciation ithna kharab tha sab khoob haste the aur mere sentences bhi broken hote the. Main sochti thi ki kya zaroorat hai seekhne ki. Par ye to sabke saath hota hai jab bhi koi nayi language seekhta hai. Lakin aisa mat sochiye ki sab khatam ho gaya, aap bhi seekh sakte hain inn tips ko use karke.

1. Har week apne aapko ek challenge dein

Abhi mujhe hindi bolne ke liye bahut kuchh seekhna hai lakin main baar baar bolne ki koshish karti hoon ( chahe meri pronunciation kitni bhi kharab ho) isse mujhe confidence milta hai. Main jab bhi bazaar jati hoon samaan lene main wahaan hindi bolne ki poori koshish karti hoon. Every week main ye karti hoon aur months aur year ke end tak main aasaani se bol sakti hoon. Jab aap mall jayein to English mein try karke dekhein. Aap shuruat kar sakte hain questions se jaise “how much is this?”. Isko apni aadat bana lein jab bhi shopping karne jaayein aur thode dino mein hi aap dekheinge ki apki aadat ho jaiyegi.

Build Your Spoken English Confidence

2. Simple Rakhein

Jab main India aayi to maine socha tha ki mujhe sab kuchh jaldi jaldi Hindi mein seekhna padega. Yeh ek bada burden tha. Maine isko bahut mushkil bana diya tha, jisse mujhe ko faiyda nahin hua aur main Hindi nahin seekh saki. Jab logon ne mujhse baat karni shuru ki to mera burden kuchh kum hua. Zada tar main conversation ko hone deti hoon ye bilkul nahin bolti ki mujhe hindi nahin aati. Aur baat karti hoon. Kaise? Sirf listening se, ji haan main active listening. Maine sunti hoon nod karti hoon (sar hilati hoon) beech beech mein hmmm aura ah aur smile karti hoon ( bahut zada :)). Kabhi kabhi question bhi poochhti hoon jo bhi mujhe aata hai. Main theek se baat nahin kar sakti par main samajh sakti hoon ki kya baat ho rahi hai.

3. Apni awaaz ko record karein

Aapko bahut strange lag raha hoga ki apni awaaz sunna. Par koi sun nahi raha :). Kisi book ki reading karye zor se, aap baat karein kisi cheez ke bare mein jo bhi aap ko pasand ho aur kisi bhi cheez ke bare mein ek minute tak bolein. Aap baar baar isko karein to aapko aadat ho jaiyegi apni awaaz sunne ki. Aur English words ki practice bhi hogi wo bhi ghar par :).

Build Your Spoken English Confidence

4. Pretend karein ki aap ko achchhi English aati hai

Aise bolein jaise ki native bolte hain. Confidence tabhi aayega jab aap ye soch leinge ki aapko bolna aata hai. Pretend karein, copy karein, baar baar. Energy se words ko bolein aur apni body posture ko ahchchha karein. Youtube aur Hollywood videos se note lein. Isi tarah aapko aadat ho jaiyegi.

5. Pareshan mat hon

Hum sab mistakes karte hain chahe woh grammar ho ya pronunciation. Native spakers bhi aksar ghaltiyan hoti hain. Aap speaking karte rahiye chahe ghalti ho, ghaltiyon par zada dhyan mat dein. Jab log mujhse English mein baat karte hain to woh ghaltiyan karte hain par phir bhi main unki baton ko sunti aur enjoy karti hoon. Ja woh apni ghaltiyon ko baar baar correct karte hain aur avoid speaking tab hi woh capable nahin dikhte.

Kya aap iss challenge ke liye taiyyar hain? Mujhe neeche comment likh kar batayein ya tweet karein @PDHotspot par.

Until next time.

Jasmine

Image Sources: 1, 2, 3.


    1. Miss muje English bilkul nae ati kindliy Meri help kare muje daily lesson Diya kare English improve Karen ke leye

Leave a Reply

Your email address will not be published. Required fields are marked *