Shyness Ko Kaise Door Karein Aur Confident Bane

Emotion Management

Shyness Ko Kaise Door Karein Aur Confident Bane

Shyness Ko Kaise Door Karein Aur Confident Bane

To read this article in English please click here

Kya aap un logon mein se hain jo kisi anjaan logon se bhare room mein awkward feel karte hain? Aap apne ghar mein hi rehna prefer karte hain? Shyness aapko logon se milne ko rokti hai aur aap ki life mein aapki tarakki aur achievements mein rukawat daalti hai. Lakin kya aap sahi mein shy hain? Shayad aap pehle honge par aapko poori zindagi aisa nahin kaha ja sakta hai. Ek time tha jab main bhi bahut shy thi aur har sociall situations ko avoid karti thi. Main to poora din apne room mein hi guzaar deti thi. Par isse mujhe koi faida nahin hua. To maine apne aap ko bahar nikalne aur socialize karne ke liye force kiya. Tab bhi jab mera mann nahin hota tha. Aur dheere dheere mujhe bahar jane par maza aane laga aur meri shy door ho gayi. Yahi aap ke saath bhi ho sakta hai. Inn steps ko use karke aap apni shyness ko overcome kar sakte hain aur confident ban sakte hain.

Apni Personal Skills Par Work Karein

Step 1 – Self Esteem

Poor self esteem tab hoti hai jab aap apni hi kharaab image banate hain. Shy log doosron se baat karne se ghabrate hain kyunki woh darte hain rejection se, shame se aur embarrassment se. aapka background aur aap ki haisyat aapko define nahin karti ki aap kya kar sakte hain aur aapko kisse baat karni hai. Ye spchna band kar dijiye ki doosre aapke bare mein kya socheinge. Koi bhi aapke bare mein bura nahin sochega agar aapki shining personality hai.

• Pata karein ki aapki strengths kya hain. Aapne aap se sawaal karein ki aap kis cheez mein achchhe hain aur 5 cheezon ko note karein.
• Kuchh cheezon mein aap achchhe honge jaise drawing / sports / cooking / helping / maths etc….
• Aap apni strengths ko apna advantages banayein, aur jab aap inka use kareinge to log issko appreciate kareinge.
• For example, main cake banana mein achchi hoon. Isliye log mujhe yaad rakhte hain aur mere cakes ko enjoy karte hain.
• Aap itne bure nahin hain. 🙂

Overcome-Shyness

Shyness Ko Kaise Door Karein

Step 2 – Positive Thinking

Agar aap aapne aapse kehte hain ki “I’m bad at” / “I cant do this” to aapko apni thinking badalni padegi.

• Yaad rakhein ki har insaan dost banane ki capability rakhta hai. ye humara nature hai. Log hamesha baat karna chahte hain aur milna julna chahte hain. Kuchh logon ko thodi problem hoti hai par zara se guidance aur practice se sab normal ho jata hai.
• Aur agar aapko kabhi rejection mile to sab kuchh bhool kar age badhein. Log aapki company ko enjoy kareinge.

Step 3 – Body Language

Apne aapko kaise hold karna hai aur project karna hai, seekhein aur iski practice karein.

• Seedhe khadein hon shoulder peechhe aur sar uppar. Log aapko aapke appearance se judge karte hain. Confident logon se koi unke drawback ki aat nahin karta.
• Aur jab hum seedhe tan ke khade hote hain to hum tall aur confident feel karte hain. Abhi try karein aur faraq dekhein. 🙂
• Kisi person jisko aap admire karti hon ya koi celebrity ko observe karein. Unki body language. Unka body posture kaisa hai? woh hand gesture kase karte hain? aur facial expression kaise use karte hain? isse aapki shyness door hogi aur apni body language ko bhi correct kar leinge.

Social Skill Par Work Karein

Overcome-Shyness

Shyness Ko Kaise Door Karein

Step 4 – Practice Active Listening

Shy log apnea apse bahut obsessed rehte hain, aksar woh yahi socha karte hain ki oh kaise dikhte hain ya doosre unke bare mein kya sochte hain. Itna apne bare mein sochna personality ke liye bahut kharab hai. apne aap ko force karein aur focus apne se hata kar doosron par dalein. Jab aap kisi ke beech hon to bolne ke bajaye sunne ki koshish karein. (Shyness Ko Kaise Door Karein)

• Sunein ki doosre kya keh rahe hain aur samajhne ki koshish karein.
• Baat sun kar us par reponse karein. Aap apna sar hila sakte hain.
• Confirming words ka use kar sakte hain jaise yes I agree / hmmm / ok.
• Jab aap aur comfortable ho jayein to detail conversation kar sakte hain. jaise how/ when/ who/where/what type ke question kar sakte hain.

Step 5 – Practice Small Talk

Ab aapko thoda confidence aagaya hai to aap initiative le sakte hain aur thodi baatein kar sakte hain. aapko apne aapko push karna padega jisse aapki shyness khatam ho sake.

• Chhota sa comment kar dein jaise mausam /sports/ how you feel/ what trending etc…
• Koi group join kar lein jo aapke interest ka ho jaise reading / cooking ya sports groups.in mein baat karna bahut asaan hota hai.
• Ya phir doston ko invite karein apne saath swimming, movies ya coffee ke liye.

Overcome-Shyness

Shyness Ko Kaise Door Karein

Step 6 – Apne Aapko Introduce Karne Ki Practice Karein

• Agar aapka eye contact hota hai kisi se to smile ke saath hello karein.
• Eye contact hone par aap apne aapko introduce kar sakte hain ya aap person ka naam pooch sakte hain.
• Aapke friends aapko apne friends se introduce kara sakte hain. isse aapko asaani ho jaiyegi. Phir aap aur baat kar sakte hain.

Inn steps ko follow karke aapki shyness door ho jaiygi. Aur aap khud ko social being bana sakeinge.

Aap usually kab shy hote hain? Mujhe comment likhke batayein ya tweet karein @PDHotspot par.

Until next time.
Jasmine

Image Sources: 1, 2, 3, 4.

Shyness Ko Kaise Door Karein


    1. Hi Akanksha 🙂 . In short confidence can be built by being exposed to lots of different experiences. Especially those where you learnt something new or solved a difficult problem. Also through repetition and practice. I’ll get back to you a.s.a.p with a detailed post. Thanks Jasmine

      1. very nice article.basically we feel that how I am looking n what would people think about me but we forget that others feel the same also.no one is perfect n every persons stands on his exclusive traits n talents…

  1. Me kisi se eye contact karke bat nehi kar Pata hu , kisi ko apni bat ko samjha vi nehi pata hu,, kisise bat karu to aisa lagta he unko mujhse bat karne ki koi intrest nehi he me unse jabardasti bat kar rahahu ,,,,
    esliye me hamesa akela hi rahta hu or eisa bachpan sehi tha ,,, kiya me iss problem se nikal sakta hu plz bataye,,,
    mujhe aisa jindegi bilkul achcha nehi lgta,,,

  2. Hi.. Jasmine actually my problem is mera nrmally nature acha friendly hai sb se bt jab Mai girls k around hota Hu specially sme age band bj jati hai confidence become negligible and simple btt krna bhi bhut odd lagta hai.. ND bhut try krta Hu bt jb fce krne ka time hai to bhut tuff situations hoti hai acc to u wht should I do

    1. Hi Nick,

      this is not just your problem. Sab logon ke saath aisa hota hai, Jab boys- girls ke around ya girls – boys ke around hoti hain. Uss time hum unhein impress karne ki koshish karte hain aur iss koshsish mein humara mind sochne lagta hai. Zaada sochne se hum ghabra jate hain aur conversation nahin kar paate. Aise time par confident rahein aur bas friendly baat karna shuru kerein, aapka flow dheere dheere aa jayega.

  3. Hlw ! Mujhme ek bahot badi problem h mai logo se bat ni kr pata hu khashkar ladkiyo se to bilkul v ni plz sugest me what shoud i do improve myslf ?

  4. Mai bahut shy hu mere ko bahut dar lgta h kisi se v bat krne me… mai Kya karu ki logo ke bich jasaku. Pls help me

Leave a Reply

Your email address will not be published. Required fields are marked *