Good Impression on the Phone

Communication, Phone Etiquettes

Phone Par Good Impression Kaise Banayein

Good Impression on the Phone

To read this article in English please click here

Phone par aapko koi dekh nahin paa raha iska matlab ye nahin ki woh aapke bare mein koi opinion nahin banata. Zara sochiye aap kitni baar call khatam hone ke baad satisfied feel karte hain ya unhappy hote hain.Jab koi aapse excited hokar baat karta hai to aapko bhi achchha lagta hai. Aur bahut baar log rude aur responsive nahin hote to aapko bhi unse baat karne mein achchha nahin lagta aur aap unse baat karna nahin chahte 🙁 . Kayi baar humein service centre call karna padta hai aur hum shock ho jate hain ki unke phone etiquettes kitne kharab hain. Humein aksar phone pe baat karni padti hai chahe personal kaam ke liye kabhi professional kaam ke liye aur phone par humari personality saaf saaf dikhti hai. Phone par good impression ke liye inn 6 tips ko use karein aur aap dekheinge ki log aap se baat karna kitna pasand kareinge.

Tip 1- Greeting

Call ki shuruat hamesha greeting se karein.Ye bahut basic cheez hai par phir bhi zaadatar log bhool jate hain. Kayi wajah se ye bahut important hai.

  • Say ‘Hi’ or ‘Hello’ isse pata chalta hai ki aap unse baat kar rahe hain.
  • Apne aapko introduce karein” its John” aur agar aap kisi company se hain to uska naam bhi batayein. Kabhi ye assume na karein ki receiver ko maloom hai ki kaun bol raha. Aap unko guess nahin kara sakte.aur unka time waste nahin kar sakte.
  • Light note se baat ki shuruat karein “How are you?” ya “I hope you are keeping well”. Light note se shuru karne se ek friendly feel aata hai. Agar call business call hai to bhi ye ek achchha gesture hai.

Tip 2 – Sound Friendly

  • Ji haan, hum aapko dekh nahin sakte par phir bhi smile aapki tone of voice se pata chalti hai.
  • Isse welcome feeling aati hai aur receiver zaada comfortable feel karta hai.
  • Apni baton mein energy layein. Ek tarah se baat karna bahut boring lagta hai.
  • Jab aap friendly sound karte hain to ye show karta hai ki aap sincere aur caring hain.

Good Impression on the Phone

Tip 3 – Listen and Ask Questions

  • Pehle aap unki baat sunein. Isse unko lagega ki aapne unki baat samajhte hain.
  • Iska matlab unko tokiye mat aur unki baat poori tarah se suniye. Aur aapko bhi saari information mil jayegi.
  • Unki baat sunne se aapko bhi saari information mil jayegi aur is beech aap ye bhi soch sakte hain ki aapko unhein kya jawab dena hai. Aur aap achchhe se unka answer de sakte hain.
  • Aap unse questions bhi poochh sakte hain isse unhein encouragement bhi milega. Aur conversation bhi agey badhegi.
  • Open-ended questions bahut achchhey hote hain. Inse person detailed mein explain kar sakta hai. Jaise “How did that make you feel?”
  • Closed-ended question conversation ko restrict kar dete hain. Jaise “Did You Like It?” iske jawab mein aapko “yes” aur “no” ke alava kuchh nahin milega.

Good Impression on the Phone

Tip 4 – Be Descriptive

  • Yaad rakhiye ki person aapko dekh nahin sakta to aap sorf apne words par rely karte hain aur conversation ko enjoy karte hain.
  • Cheezon ka full description dein, Pehle cheez ke bare mein batayein phir uska example dein, question poochhein aur phir apni baat kahein.
  • “I love cake” ke bajaye aap keh sakte hain “ I love chocolate cake, especially love making them every Sunday as I’m usually more free then and well who doesn’t love chocolate cake?”
  • Agar aap poori information nahin deinge to person confuse rahega aur uska interest khatam ko jaiyga.

Tip 5 – Ending the Call

  • “Wish them Luck”, “Hope you have a great day” or I’ll call you something again soon” inko aap use kar sakte hain apni call khatam karte waqt.
  • Inse pata chalta hai ki aap call khatam karne ja rahe hain. Achanak call khatam kar dena bahut rude kota hai.
  • Mujhe jab koi ye kehta hai to muhe lagta hai ki meri aur mere time ki unhein value hai.
    Aur main unse dubara khushi se baat karti hoon.

Good Impression on the Phone

Log waisa hi respond karte hain jaisa unhein treatment milta hai. Main jab bhi inn tips ko use karti hoon mujhe conversation mein bahut maza aata hai. Aur receiver ko bhi. Happy Calling. 🙂

Until next time.

Jasmine

Image Sources: 1, 2, 3, 4.


  1. Hi sir my self Aktar. I want to learn English , I stay at Kolkata. I have seen your all comments and that is very helpful to better learn English. Please help me.I can’t speek english,actually I haven’t any persons they communications with me.

Leave a Reply

Your email address will not be published. Required fields are marked *