Microphone Pe Kaise Bolein

Public Speaking

Microphone Pe Kaise Bolein

Speak Into a Microphone

To read this article in English please click here

Microphone pe bolna bada ajeeb lagta hai. Par use karna zaroori bhi hota hai jisse poori audience aapki baat sun sake.Ye sab theory ki baatein hain. Par jab aap mic par bol rahe hote hain, to bahut saari dikkat aati hain. Jaise kabi aap ki aawaaz khar khraane lagti hai, to kabhi peechhe baithe logon ko aap ki aawaaz hi nahin sunai deti. ya kabhi aap ki hi aawaaz goonjti sunayi deti hai. Aur bhi bahut kuchh… Ye technical problem bhi ho sakti hain aur kabhi ye microphone ke misuse se bhi hoti hain. Aap iss sharmindagi se bach sakte hain. In 10 tip ko use karye aur apni public speaking ko achchha karein.

1. Thodi Doori Rakhein: Microphone ko muh se thodi door rakhna chahiye. Kyunki hawa directly andar jane ki wajah se bahut khar khar ki awaaz aana lagti hai aur distortion hota hai.

2. Microphone Ko Move Karein: Agar aap ko apne side mein kisi ko bolna hai, to apna microphone na hataiye balki microphone ke saath ghoomye. Jisse ki aapki aawaaz saaf sunayide. (Microphone Pe Kaise Bolein)

3. Hathon Ka Istemaal: Microphone apne weak hand mein pakrein. Jisse aap apne strong hand se hand gestures kar sakte hain. Jab aap microphone ko haath mein pakre hote hain to audience ko pareshaani hoti hai kyunki saath mein aap hand gestures bhi kar rahe hote hain aur aap ki aawaaz audience theek se sun nahin pati. (Microphone Pe Kaise Bolein)

Speak Into a Microphone

4. Dhyan Se Pakrein: Microphone ko handle se pakrein aur uski gril ko ungliyon se cover na karein. Isse awaaz kharab hoti hai. Agar podium microphone hai to usko pakarne ki zaroorat nahin. Sirf aap usko shuruat mein apne level par adjust kar lein.

5. Microphone Dubara Check Karlein: Agar aapko pehle bolna hai to microphone ko check karlein. Uspar tap karne ki zaroorat nahi apni audience pe poochhein ki unko aawaaz sunai de rahi hai ki nahin. Bahut baar jab main audience mein hoti hoon aksar mujhe sunai nahi deta ki speaker kya keh raha.

6. Microphone Ka Placement: Microphone aapke chin level tak hona chahiye isse uppar hone par audience aap ki shakal nahin dekh payegi, log aapko dekhne chahte hain.

7. Apni Aawaaz Ko Project Karein: Ye na sochein ki aap ki aawaaz microphone se asaani se sab tak pahuch jayegi. Aap usi tarah bolein ki aap ke paas microphone nahin hai aur aap peechhe baithe logo ko bata rahe hain. (Microphone Pe Kaise Bolein)

Speak Into a Microphone

8. Apne Body Posture Pe Dhyan Dein: Hamesha seedhey khade hon, ya seedhey baithe, taki aapki aawaaz asaani se bahar aaye. Jhuke rehne par aapki aawaaz mein projection nahin aayega.

9. Microphone Ka Use Karein Agar Available Ho: Aksar log microphone ka use karne se mana kar dete hain kyunki woh isi mein comfortable hote hain. Par isse wahan baithey logon tak aapki baat aasaani se nahin pahuch sakegi.

10. Apni Goonjte Awaaz Ko Sunne Ki Aadat Dalein: Shuruat mein jab aap microphone mein bolte hain to apni hi goonjti aawaaz se bahut distract hote hain. Apna focus apni baat par rakhein aur goonjti awaaz ko ignore karein. Dheere dheere aapko aadat ho jayegi.

Kya aapko koi incident yaad aaraha jismein microphone kaam nahin kiya? Mujhe comment likhke ya tweet karein @PDHotspot par.

Until next time.
Jasmine

Microphone Pe Kaise Bolein

Image Sources: 1, 2, 3.


Leave a Reply

Your email address will not be published. Required fields are marked *