Kamyaab College Students Ki Achchhi Aadatein Aur Padhayi Ke Tareeke

Study Skills

Kamyaab College Students Ki Achchhi Aadatein Aur Padhayi Ke Tareeke

Kamyaab College Students Ki Achchhi Aadatein Aur Padhayi Ke Tareeke

To read this article in English please click here

Achchhe aur kamyaab college students dekhne mein kitne intelligent aur perfect lagte hain. Kisi bhi subject mein weak nahin aur sabhi unhein chahte hain chahe woh school ho, parents ho ya phir unke apne friends. Aap keh sakte hain ki woh itne lucky hain. par jab aap unhein observe karein to aapko pata chalega ki unki aadatein baaki sab students se kitni alag hoti hain. Topper ho jana ka matlab ye nahin ki aap successful bhi hain. Inn aadaton ko apnaiye aur aap bhi apne aapko successful bana sakte hain. 

1. Achchha Study Plan Banate Hain

Shayad aapne plan kiya hoga ki kaun si degree aur subjects aapko lene hain. lakin kya aapne apne days, weeks, months, semesters plan kiye hain? Successful students ko pata hota hai ki sirf class mein attendance se kuchh nahin hota uske saath aapko homework aur study bhi karni padti hai. Baithiye aur ek plan banaiye, Aap deewar wale calendar se shuru kar sakte hain, Aap usmein daily aur aane wale event ko saamne dekh payeinge. Apni chhoti portable dairy mein bhi note kar lein ( apne mobile mein bhi ek copy save kar lein) phir aap kabhi bhi assignment submit karne ki date nahin bhooleinge aur aapke tests aur exams kab hain aap ko saamne dikh jayeinge. Bas itna hi nahin 😉 , Yeh bahut useful hai kyun ki isse aap apni study aur free time ko evenly baant sakte hain taaki aapko poore semester ki padhayi ek raat mein na karni padey ;).

Apne Study Time Ko Zaada Effective Banana Ke Liye Parhein – Click Karein

10 Habits of Successful College Students

2. Sab Kuchh Organize Rakhte Hain

Okey aapne apna study time plan bana liya lakin agar aap well organize bhi hain to aapki success ke chances aur zaada ho jayeinge. College ki saari cheezon ko ek jagah par rakhein –Study Desk 🙂 . Dhyaan rahe ki aapke pass itni jagah ho ki aap aaram se baith sakein aur apna study material rakh kar padh sakein. Aapki chair comfortable honi chahiye taaki aapko back aur neck pain na ho. Aapni books aur papers ko theek se rakhne ke liye aapke paas shelves aur folders hone chahiye jisse ki sab theek se rakhe ja sakein. Aur aapki stationary highlighter, Post-Its, papar clips, red pen, blue pen, black pen….. aapko samajh aahi gaya hoga 🙂 . Aapki life bahut aasaan ho jati hain jab aap organize ho jate hain. Aapko cheezein aasaani se mil jaati hain naki poora time unhein dhoondne mein nikal jata hai.

3. Cheezon Se Distracted (Bhatakte) Nahin Hote Hain

Humko yeh to accept karna padega ki social media, gadgets, movies and friends humari life ka hissa hain. Inn sab ki wajah se hum ek doosre se touch me rehte hain aur ye humko stressful time mein madad karta hai. Par kamyaab college students inn activites ko apne uppar havi nahin hone dete. Inn sab cheezon ka ek time aur jagah hoti hai jise aap use karke success pa sakte hain. Aur hamesha dhyaan rakhein ki aap apne study time ko disturb na karein aur consistant rahein. Taala matoli ki aadat sabse kharab hoti hai.

Taala Matoli Ki Aadat Ko Kaise Door Karne Ke Liye Parhein – Click Karein

10 Habits of Successful College Students

4. Achchhe Study Notes Banate Hain

Achchhe Study notes banana ek fine art hai. Bhool jaiye purane aur old-school style ke bland aur sentence to sentence note utaarna. Aajkal ke notes alag alag colorful pen aur different font size mein hote hain kyun? Kyunki jab aap baad mein innhein parheinge to aapki eyes aur brain ko aasaani hogi. Notes parhney mein mazaa aayega 😛 bold heading, aasaan bullet points assani se samajh aa jaate hain. Issi flow ki wajah se aap topic ko achchhe se samjah paate hain aur yaad kar paate hain.

Achchhe Study Notes Banane Ke Liye PArhein – Click Karein

5. Exam Ki Anxiety Ko Control Rakhte Hain

Agar aap exams se door bhagna chahte hain aur exams se darr lagta hai to ye sab anxiety ki wajah se hai. Aur jo students iski fikar nahin karte unke exams me achchha performance hone ke chances zaada hote hain. Exams ki iss feeling ko control karna mushkil hota hai chahe hum kitna bhi exams ki prepration kar lein. Achchhe students inn feeling ko achchhe se handle karte hain jab bhi unki body aur mind aisa feel karta hai.

Exams ki Nurvous Feeling Ko Control Karne Ke Liye Parhein – Click Karein

6. Pressure Ko Deal Kar Lete Hain

Students par har taraf se pressure aata hai parents ke expectations ka ya teachers humare baare mein kaya socheinge, friends kya socheinge. Life bahut demanding hai par inn sab ko handle karne ka tareeka hota hai 🙂 . Kamyaab students jaante hain ki woh doosron ki soch ko control nahin kar sakte par ye bhi jante hain ki inn sab ka asar un tak naa aye. Isi liye aap unhein aisi situation mein cool aur clam dekhte hain aur woh achchha perform karpaate hain.

Pressure Ko Deal Karne Ke Liye Parhein – Click Karein

10 Habits of Successful College Students

7. Health Ka Khayal Rakhte Hain

Aap apni studies mein busy hain iska matlab ye nahin ki aap apne uppar dhyaan na dein. Apni health ka khayal rakhein isse aap fresh feel kareinge aur zaada der tak concentrate kar paayenge. Aur issi tarah exercise bhi aapko help karti hai aapke blood circulation ko badhati hai aur aapko strength deti hai. Zaada paani pijiye detoxification ke liye aur achchhi neend lein.

8. Faculty Se Interact Karte Hain

Aapko apni jhijhak ismein nikalni padegi. Apne faculty se baat karein. Class mein unse questions poochein ya phir unse class ke baad milein aur apne doubts clear kar lein. Aur bhi kisi faculty jo ki aapko help kar sakti hai usse jaakar milein aur topics discuss kar sakte hain.

Iske alava apne campus mein jo bhi resources milein aapke topic se related unhein issue karayein aur parhein. Librarian se milein, college tutor se milein, counselor, career advisor aur hostel ke head se intract karein. Ye sab aapko ko kuchh na kuchh valuable advice de sakte hain.

10 Habits of Successful College Students

9. Cv/Resume Taiyyar Karte Hain

Jab hum inn sabhi resources ko use karte hain, bahut saari activities aur events mein participate karte hain jo humari degree ke liye zaroori hain usi time aap apne college calendar aur notice board mein check karein aapke topic aur degree se relates workshops aur summer programs ko. Conferences attend kariye aur inn mein participate bhi karein. Apni professional profile ko badhane ke liye koi club join karein jahan like minded log milein.

10. Achchhe Logon Ke Saath Socialise Karte Hain

Aur finally successful students ka friend circle bahut achchha hota hai. Woh group mein achchhi tarah se fit ho jote hain aur saath same hobbies aur ek doosre ki pasand bhi share karte hain. Unke friends good type ke hote hain, unka nature aur character bahut achchha hota hai, hamesha sahi cheez karte hain. Aur unki study habbit well stablished hoti hai. Woh regular library jate hain, study karte hain aur apne topics ko college ke bahar bhi diiscuss karte hain.

Agar aapko kuchh kehna hai to please neeche comment sections mein likh kar mujhe batayein ya phir mujhe whatsapp karein +91 95 06 505059

Untill next time
Jasmine

Image Sources: 1, 2, 3, 4, 5.


Leave a Reply

Your email address will not be published. Required fields are marked *