Ghar Se Doori Ki Feeling Ya Homesickness Ko Kaise Control Karein

Emotion Management

Ghar Se Doori Ki Feeling Ya Homesickness Ko Kaise Control Karein

Ghar Se Doori Ki Feeling Ya Homesickness Ko Kaise Control Karein

To read this article in English please click here

Ghar Se Doori Ki Feeling Ya Homesickness Ko Kaise Control Karein – Jo ghar se door hain chaahe studies ke liya, kisi job ke liye, ya phir apni nayi zindagi ke liye. Sabse bada challenge unke liye hota hai homesickness. Ye ek process hai aur jab bhi koi iska samna karta hai to uski personality bahut strong ho jati hai. Kuchh logon ke liye ye bardasht se baahar ho jata hai kyunki wo hamesha ghar ko aur apne loved ones ko aur ghar ke comfort ko miss kiya karte hain. Aur yahi homesickness badh kar depression, anxiety, aur concentration mein kami ki wajah ban jaata hai. Chaahe aap jitna bhi ghar waapas jana chahein ya apne room mein time paas karein ya to hona hi hai, inn strategies ko use karein jisse ki aap ise control kar payeinge. Aap apne naye environment ko positive nazariye se dekhein aur iss opertunity ko use karein apni personality ko shine karne ke liye.

Apni Family Aur Friends Se Connect Rahein

Apna ek routine bana lein ki baraabar ghar baat kerna hi hai. Kabhi bhi ghar par baat karne ke liye sochein nahin. Zaada time hone par aap aapne aapko control nahin kar paate hai aur ghar ko miss karne lagte hain. Apne poore week ki baatein ghar par batayein aur ghar ki poori khabar lein aur upto date rahein ki ghar par kya chal raha hai. Phone calls bahut important hoti hain par iski bhi ek limit hoti hai, ghar waale aapke saare experiences nahin samajh paate.

Is gap ko door karne ke liye aap koi gifts bhej sakte hain ya collage aur photos bhi bhej sakte hain. isse aap apne aap ko aur zaada express kar paayeinge. Aur isse ek gehra connection banega jaise ki aap abhi bhi ghar par hain.

How to Cope with Homesickness

Ghar Se Doori Ki Feeling Ya Homesickness Ko Kaise Control Karein

Social Media Se Break Lein

Social media ek bahut achchha platform hai sabse touch mein rehne ke liye par kabhi kabhi yahi aapki homesickness ki wajah ban sakta hai. Jab aap doosron ko dekhte hain ki wo enjoy kar rahe hain aur aap nahin to aap homesickness feel karne lagte hain. Aur phir aap ghar ki har cheez miss karne lagte hain. Social media se break lene se inn sab cheezon se thoda door ho jate hain aur apne new environment ko, apne naye surrounding ko, naye logon ko samajhne mein aasaani hoti hai.

Doosre Log Jo Same Feel Kar Rahe Hain Unke Saath Time Guzaarein

Aise logon ko dhoondiye jo same situation mein hon. Unke saath aap achchha feel kareinge aur aapka tension release hoga. Aap apne dil ki baat batana chahte hain aur aapke new dost aapki baat ho samajh sakte hain kyunki wo bhi aisa hi feel kar rahe hain. Aapko baar baar apni feelings ko bataana nahin padega. Latest celebrities ki gossip padhein, apni sports team ko support karein, apni city ya country ka new paper padhein… just relax aur enjoy karein :). Friends ke saath mixup karne se aapki life bhi happening ho jayegi. Zaada se friends banayein aur life enjoy karein.

Apni Pasand Ka Khana Khayein

Dekhein ki nayi jagah kya naya hai. shayad aapko yahan ka khana pasand aaye ya phir koi special dish jo aapko achchhi lage. Jab aapko kuchh achchha na lage to apne pasand ke food khayein aur aapka mood fresh ho jayega. Sabhi jagah har tarah ka khana milne laga hai.. chahe wo alag alag cities ka ho ya phir different countries ka. Aur aap apne type ka khana kha ke aap apne low feeling se bahar aa sakte hain. Warning: Apni khane ki habbit par dhyaan rakhein, kabhi kabhi homesickness ki wajah se aapko baar baar bahar ka khane ka dil karta hain. Apni health ka khayaal bhi rakhein. Zaada bahar ka khana achchha nahin hota.

How to Cope with Homesickness

Ghar Se Doori Ki Feeling Ya Homesickness Ko Kaise Control Karein

Apne Aapki Pehchaan Na Khoyein

Aap nayi jagah aaye hain aur ghar se door hain. Aapke uppar bahut pressure hain ki aap nayi jagah ke naye culture mein ghul mil jaayein aur alag na lagein. Unki tarah dresses pehne, waisa khayein aur socialize karne se aapko bahut help milti hai adjust hone mein. Ye koi buri baat nahin hai kyun ki isse aap iss naye culture ka part lagte ho. Lakin iska matlab ye nahin ki hum apna culture, apni dresses aur apna khana sab khatam kar dena chahiye. Jabki aapko apne treditions ko bhi saath le ke chalna hoga. Jinse aapke sentiments jude hain. Apne kuchh sentimental items apne room mein lagayein, apni community mein bhi time dein, aur jo activities aap apne yaha karte the unhein aap nayi jagah pe follow karein. Isse aapko nayi jagah par bhi ghar ka ehsaas hoga.

Busy Rahein

Apni problems ko chhupaane ye koi fayda nahin hota ye sirf aapko thodi der hi help karti hai. Doosri strategy hai ki aap apne mind ko doosri taraf busy kar lein chahe wo studies hon ya phir kaam. Aur agar aapke paas kuchh nahin ho karne ke liye to kchh sochein karne ke liye. Apne aas paas check karein. Koi group join karein jahan aap jaise log aate hon ya phir koi ghar mein project banayein. Main point hain busy rehna. Homesickness ki wajah se sirf aapka time waste hoga aur poora din nikal jayeiga jiska koi fayeda nahin.

Apne Comfort Zone Se Niklein

Apne comfort mein rehna kise nahin achchha lagta hai par ye comfort aapko grow karne se rokta bhi hai. Apna courage build karein aur apne aapko push karein nayi cheezein karne ke liye aur naye naye experiences gain karein. Ek ek step aage badhein. Har week koi nayi cheez explore karein. Koi club join karein. Chhote chhote kaam karein jo manage ho sakein. Aur dheere dheere aapka confidence bhi badh jayega aur aap bold ho jayeinge.

How to Cope with HomesicknessGhar Se Doori Ki Feeling Ya Homesickness Ko Kaise Control Karein

Apne Naye environment Ko Appreciate Karein

Jab tak aap ghar ko miss karte raheinge tab tak aap apni nayi jagah ka maza nahin le payeinge. Koi achchha reason hoga tabhi aap nayi jagah aaye ho. Positive cheezon ko dekhein. Dekhein ki aap kitni mushkilon ke baad yahan aaye hain. Ye aapko ek bahut achchha seekhne ka mauka mila hai. Apne aapko proof karne ka. Aur saath mein naye logon se milne ka aur naye experiences lene ka. (Ghar Se Doori Ki Feeling Ya Homesickness Ko Kaise Control Karein)

Mujhe 8 saal india mein rehne ke baad bhi homesickness hoti hai. Agar main ye strategies na use karti to mujhe bahut pareshani hoti. Aur shayad main bardasht nahin kar paati :). All the best aapki nayi life ke liye :). Agar aapko mujhe kuchh kehna hai ya koi baat share karna chahte hain to neeche comment likh ke batayein ya phir whatsapp karein +91 9506505059 par.

Until next time.
Jasmine

Ghar Se Doori Ki Feeling Ya Homesickness Ko Kaise Control Karein

Image Sources: 1, 2, 3, 4.


Leave a Reply

Your email address will not be published. Required fields are marked *