Fresher CV Kaise Banayein

Interview Preparation, Written Etiquette

Fresher CV Kaise Banayein

Cover Letter for Freshers

To read this article in English please click here

Fresher CV banana confusing nahin hona chahiye. Neeche diye gaye points ko follow karein aur aap apne CV ko polished aur industry standard ka bana sakte hain.

CV ka Purpose:

  • Ye aap ke paas opportunity hai apne aap ko present karne ka.
  • Employer aap ke credentials aap ke CV ko dekh kar quickly pata kar sakte hai.
  • Aap ke credential unki company ke kaam ke hain ki nahin.
  • Employer aap ko contact kar sakta hai aap ki application ko dekh kar.
  • Ye aap ke writing skill ko demonstrate karta hai. Aap ke written etiquette, knowledge aur English par app ka command isse hi pata chal jata hai.

Resume aur CV mein kya difference hai?

Resume:

  • Resume mein sirf Ek ya Do pages hi hote hain. Aap ke hard skills, soft skills, experience, training aur educational qualification ki sirf summaries hi likhi jati hain.
  • Kyunki resume brief aur concise hote hain- Do pages se zaada nahin hota. Ye US aur Canada mein commonly use hote hain.

CV:

  • CV (Curriculum Vitae) bade hote hain ismein kum se kum 2 pages to hote hi hain. CV mein aap ke credentials ki detailed information aur discriptions di jati hai. Jaise ki aap ki pichhli job mein responsibilities kya thi.
  • CV commonly India, Europe, Middle East, Asia, Australia aur New Zealand mein use hote hain.

Curriculum Vitae

Yeh ek fresher CV ka example hai. Aap ise apne CV ke base ki tarah use kar sakte hain aur apna ek personalized fresher CV taiyyar kar sakte hain.

 

(Fresher CV Kaise Banayein)

cv

cv

1- Basic Information:

  • Basic information provide karne ka purpose hota hai ki recruiter aap ko contact kar sake aur aap ki application process ke bare mein aap ko bata sake.
  • Apni sahi Details likhein.
  • Aapki email simple aur profession honi chahiye. Email jaise pretty.girl90@gmail.com aap ke bare mein achchha impression nahin degi.

(Fresher CV Kaise Banayein)

2- Photo:

  • Apni portrait photo lagaiye.
  • Photo achchhe se taiyyar ho kar khichi honi chahiye.
  • Color photo honi chahiye.
  • Photo ka background color plain hona chahiye light blue ya white.
  • Photo ka size passport photo – 35-40mm x 45-50 mm.

3- Objective:

Aap ka objective hamesha ye batana hai ki aap company ko kya offer kar sakte hain, aur personally aap ka kya goal hai apne career mein. Ye clear aur concise hona chahiye aur ismein neeche diye gaye 3 parts cover hone chahiye.

  • Aap kaun si position ke liye application de rahe hain.
  • Apna best attribute bataiye jo company ke kaam aasakta ho.
  • Recruiter ko apna goal bataiye aur apna desire show karein company ke objective ko poora karne ke liye.

(Fresher CV Kaise Banayein)

cv

4- Qualification:

Apni sari qualification ki list banayein highest se lowest: Include:

  • Doctorate
  • Post Graduate
  • Graduate
  • 12th/HSC
  • 10th/ SSC

5- Skills, Reports, Research aur Publications:

  • Isse pata chalta hai ki aap ki skills aur aapke projects kitne relevant hain apki job position ke liye jiske liye aapne apply kiya hai.
  • Aapka CV aur bhi appealing hoga agar aapke paas extra skills aur attributes honge jo organization ke liye useful hon.

(Fresher CV Kaise Banayein)

6- Achievements aur Awards:

Inko include karein agar applicable ho:

  • Academic
  • Sports and Club
  • Cultural and College Event
  • Competitions

(Fresher CV Kaise Banayein)

cv

7- Training aur Certification:

  • Apni training aur certification ke bare likhein. Isse recruiter jaan payega ki aap apne aap ko industry standards ke saath upgrade karte rehte hain.

8- Workshops aur Conferences

  • Workshops aur conferences attend karna apke college mein aap ki degree ka ek part honga. Agar nahin to aaj hi se workshops aur conferences attend karein. Ye aap ke CV ko strong banate hain. Apni knowledge share karein, new ideas ke bare baat karein.

9- Personal Details:

  • Personal details se recruiter ko aap ke background ka pata chalta hai.
  • Ki aap travel kar sakte hain ki nahin.
  • Aap kitni languages mein baat kar sakte hain.
  • Aur aap ki koi personal commitments hain ki nahin.

(Fresher CV Kaise Banayein)

cv

10- Reference:

  • Recruiter aap ka verification karne ke liye references use karte hain.
  • Hamesha apne janne walon ka reference dena chahiye jo aap ke bare mein achchha batayein.
  • Atleast 2 reference sahi hote hain.

11- Declaration:

  • Ye to self explanatory hai 

CV Format:

Recruiters ek time par bahut saare CV dekhte hain, isliye important hai ki aap ka CV visually appealing ho. Isse aap ke selection ke chances high ho sakte hai. Kaise achieve karein ek visual appealing CV.

  • Simple font ka use karein jaise Arial.
  • Name aur Curriculum Vitae font size baki text se bada hona chahiye – 18pts. Jisse recruiter ko aasani se dikhe ki ye kaun sa document hai.
  • 12 pts ka main content,jo aasani se parhne mein aajaiye.
  • Title bold hona chahiye.
  • Narrow Page Layout – Saari information aasani se display honi chahiye.
  • Tables without border ki insert karein jisse content barabar se display ho.

cv

  • Simple aur fluent English ka use karein. Poor English se recruiter ko lagta hai ki aap ki communication skills achchhi nahin hai.
  • Agar ye aapki weakness hai to kisi janne wale ko dikha lein aur proofread karalein aur mistakes ko edit kar lein.

Ab aap apna CV banana shuru kar dijiye. Draft likhein phir kisi ko dikha ke feedback lein aur phir finalize karein. Mujhe likh kar batayein aap ka CV kaisa bana.

Until next time.
Jasmine

Fresher CV Kaise Banayein

Image Sources: 1, 4, 5, 6, 7.


  1. Can u please check my resume so that i am able to present it in right way.
    for this please send me your email id .

Leave a Reply

Your email address will not be published. Required fields are marked *