Bachchon Ka Gussa Control Karne Ke 5 Tareeke

Emotion Management

Bachchon Ka Gussa Control Karne Ke 5 Tareeke

Bachchon Ka Gussa Control Karne Ke 5 Tareeke

To read this article in English please click here

Bachchon Ka Gussa – Gussa achchhi cheez hai. ji haan aapne sahi suna. Kyunki ye normal hai aur baaki kisi doosre emotions ki tarah. Parents ko humesha ye jawab chahiye hota jab bhi unke bachchon ka bartav (behavior) kharab hota hai. Kisi ko bhi apne bachche battameez aur gusse wale ni pasand. Unke gusse ke peechhe sab ka mood kharab ho jata aur sab gussa karne lagte hain. Achchhi baat ye hai ki gussa control kiya ja sakta hai. Isliye purana tareeka chhod dein. Bachchon pe chillana aur unko maarna peetna chhod dein usse kuchh ni hona. Bachchon ko sikhana hoga ki wo apna gussa kaise control karein. Ye ek bahut achchhi life skill aap apne bachchon ko sikha sakte hain. jisse wo apni problems aur negative emotions ko achchhe se sambhal payeinge.

Bachchon Ki feelings Ko Express Karne Dein

Bachche jab bede ho rahe hote to wo realize ni kar paate ki jab unhein gussa aaye to kya karna chahiye. Bachchon ko to sirf gussa hi karna aata hai. Hum apne bachchon ko sikha sakte hain ki wo apni feelings ko kaise show karein. Isse unke andar jo gussa koga wo andar jama ni ho payga. Jab bhi koi bachcha apni baat achchhe se express kar pata hai to usey gussa ni aata. Usey lagta hai ki uski baat sabne suni. Issey unka tension kum ho jata hai.

Bachche chhote chhote sentences samajhte hain. Mujhe lagta…. Jab tum… kyunki….mujhe chahiye. Aise aasaan simple sentence mein wo aapko bata sakte hain ki wo kya chahte hain. jaise” Mujhe tab gussa aata hai jab koi mujhe ball ni deta kyunki mujhe bhi ball se khelna hai.” shuru mein parents bachchon se question karke unki problem ko jaan sakte hain…phir dheere dheere wo khud apni problems aur gusse ke baare mein aapko bata deinge.

Bachchon Ka Gussa Control Karne Ke 5 Tareeke

Bachchon Ka Gussa Kaise Nikalein

Bachchon ko show karein ki wo apna gussa kaise khatam kar sakte hain. Unko alag alag tareeke badaiye jisse wo apne gusse pe kaboo pa sakein. Alag alag tareeke try karke dekhein aur dekhiye ki aapke bachche ko kaun sa tareeka achchha lagta hai. Gehri saans lena, 10 tak ginti ginna, Ek glass pani peena, unka dhyaan hatana kisi aur cheez mein jaise ( toys aur food) ya phir room ke doosre kone mein khate ho. Ghalti aur gusse pe marna peetna unki ghalti ko badhata hai.

Gusse Ko Doosri Jagah lagao

Bachche to bachche hote hain. kai baar aisa bhi hota hai baat kuchh zada hi badh jaati hai. Aise mein unko datne se kuchh ni hoga. Tab bachche ko uss situation se fauran door le jaanyein. Jaise kisi khali room mein jahan koi na ho. Ye tareeka pehle bachchon ko punishment dene ke liye kiya jata tha. Jisse ki bachche samajh sake ki unhone kya ghalti ki. Kuchh bachchon ke liye doosre room mein le jaane par bhi unka gussa chillanachalu rehta hai. lekin thodi der mein sab theek ho jata hai. aur bachcha calm ho jata hai.

Apne Bachchon ki Tareef Karein

Jab bachche aapke bataye huye tareekon ko use karein aur apne gusse ko control karne ki koshish karein to unki tareef zaroor karein taki wo encouraged feel karein. Aur unhein lagna chahiye ki unhone kuchh achchha kaam kiya. Unko bhi motivation milega. Achchhe kaam ke liye unhein treat bhi dijiye. Isi tarah wo apne gusse ko control karna seekh jayeinge.

Bachchon Ka Gussa Control Karne Ke 5 Tareeke

Gussa Control Na Karne Pe Rules Banaiye

Agar aapka bachcha apne gusse ko control ni kar raha to usey uske behavior ke liye unki kuchh cheezein band kar dein. Jaise Cartoon dekhna, video game khelna, bahar jana. Aur strict rahein.

Example Set Karein

Agar aap chahte hain ki aapka bachcha overreact na kare aur achchhe se behave kare. Iske liye aapko uska role model banna padega. Ye nahin ki wo dekhe ki aapto chilla rahe hain, gussa kar rahe hain sab pe. Wo aap ko dekh ke iss behavior ko normal samjhega. Parents ko apna gussa aur apni batein apne tak rakhni chahiye. Chhote issues ko parents apne bachchon ke liye example ban sakte hain. kyunki wo apne parents ko follow karte hain. Bachchon ko dikhaiye ki in problems ko kaise handle kiya jata hai. Aise hi bachche apne gusse ko control karna seek payeinge.

Agar problem aise bhi ni kam hoti to profession ki help lijiye ho sakta hai health issue ki wajah se aisa behavior ho. Aap humse kuchh poochna chahte hain to neeche comment karein ya humein whatsapp karein +91 9506505059.

Untill next time.
Jasmine

Image Sources: 1, 2, 3.


Leave a Reply

Your email address will not be published. Required fields are marked *