Apne Darr Se Bachne Aur Darr Ko Door Karne Ke Tareeke in Hindi

Stress Management, Emotional Management

Apne Darr Se Bachne Aur Darr Ko Door Karne Ke Tareeke in Hindi

Apne Darr Se Bachne Aur Darr Ko Door Karne Ke Tareeke in Hindi

Apne Darr Se Bachne Aur Darr Ko Door Karne Ke Tareeke in Hindi

by-Iram

Hum sabko apni life me kahin na kahin darr zaroor lagta hai. Agar koi ye kahe usey darr nahi lagta to wo jhooth bol raha hai. Kyon ki life me dukh, nirasha, accident, bimari laga rehta hai. Kabhi kabhi to life alat palat ho ke rah jati hai. Bas hum me se kuch log darr se ladne ka sahi tarika Sikh jate hain. Waise life me thoda bahot darr hona zaruri bhi hai. Darr na ho to bachhe padhai karna chhod den, office me mehnat se kaam na ho sivae gupshup ke. Lekin ye darr had se badh jae to nuqsaan de sabit ho sakta hai. Darr do tarha ka hota hai ek ‘vastavik’ (Real) Jo real me hota hai. dusra ‘kalpanik’ (Imaginary) Jo humari soch me hota hai. Dil me hota hai. Agar hum inse ladna Sikh jayen to khatam kar sakte hain apne in darro ko.

1.DARR KAISE KAAM KARTA HAI.

Jab hum pareshan ho ke kumzor ho jaate hain aur darr humare andar apni jaden baithana shuru Kar deta hai. Aur gahra hota chala jata hai har pal Hume satata hai. Khushiyan be-rang ho jati hain.

2.DARR KA HUM PAR ASAR.

Apne iss paale hue darr ki wajeh se hum kumzor ho jate hain. Aur depression me aa jate hain. Apna confidence kho dete hain. Jhooth bolne lag jate hain. Life me aagey nahi badh pate. Darr ki wajeh se apni sahi baat kisi se nahi kah pate. Baat karne mein problem hone lagta hai, sceroius ho jate hain. Sahi decision nahi Le pate aur galti pe galti karte jate hain. Aur negativity ki khai me girte jate hain. Aur pachhtate hain baad me.

3. DARR KI PAHCHAN.

Gaur karein apka darr kis tarah ka hai (kalpanik) ya (vastavik) jaise health ko Le Kar, Relation ko lekar. Unke solutions dhunde. Bimar hain to doctor ke paas jaein,rishte me problem hai to discuss karein. Aur agar apka darr mind aur dil me hai. Jaise aisa na hua to Kya hoga?main bheed me kaise jaunga? Mujhe baat karne me sharm ati hai ya darr lagta hai. To please is circle se bahar ayen. Jis kaam se darr lage use Kar dalen. Darr ka end ho jaega. Ghar se bahar nikal jaein seena thok ke samna karein realty ko pahchane. Kabhi kabhi darr itna khatarnak nahi hota Jitna use hum apni soch se bana lete hain. Kya pata jise aap darr samjh rahe the wo maza ban jayein aur aap galat fahmi se bahar aa jayein.

4.DARR LAGNE PAR KYA KAREN.

Jaise hi darr apke andar apna asar shuru Kare. Gahri sans lein, body ko ekdam dheela chhod dein, koi activitie na Karen, kuch bhi na sochein, mind ko zero pe Le ayen,uske baad khud ko himmat dilayein. Is Tarha darr ke pahle vaar se bachein.

                        Apne Darr Se Bachne Aur Darr Ko Door Karne Ke Tareeke in Hindi

5.POSSITIVE BANE.

Possitve logo se milen, unse baat cheet Kar ke unke experiences lein. Jahan tak ho sake khush rahein. Hanse bole Sab se. Ghumne nikal jayein aapka mood bhi fresh hoga plus logon se mil Kar pata lagega ap Akeley dukhi nahi hain. apse bhi ziyada dukhi log hain.

6. LOGON KI MADAD KAREIN.

Logon ki madad ke liye age ayein. Apko tarha tarha ke experience to mileage hi plus himmat bhi ayegi. Apni zimmedari ko samjh ke darr ka samna kijiye kyu ki aapki life me aur bhi log Jude hain agar aap hi strong nahi honge to aapse Jude hue logon ka Kya hoga?

Apne Darr Se Bachne Aur Darr Ko Door Karne Ke Tareeke in Hindi

7.BURE KAAM CHHOD DEIN.

Jo cheez humein andar se buri tarha todti rahti hai wo aksar humare bure kaam hote hain. Jinko hum Kar to lete hain par dil andar se pareshan rahta hai kabhi kabhi darr bhi paida ho jata hain. Jo cheez hume andar se MAZBOOT banati hai wo hain humare achhe kaam. Ye Hume satisfaction to dete hi hai sath me strong hone ka ahsaas bhi karate hain.

Apne Darr Se Bachne Aur Darr Ko Door Karne Ke Tareeke in Hindi

8.NEGATIVE LOGON SE MILNA UN ME BAITHNA CHHODEN.

Negative logo me baithne pe wo log humse negative bate shuru Kar dete hain. Humara confidence tod dete hain. Aur tarha taraha ke anjane darr, waham humare dil me daal dete hain. Aur hum bhi waise hi sochne lag jate hain.

9.LAKSHYE BANAYEN.

Apne Darr Se Bachne Aur Darr Ko Door Karne Ke Tareeke in Hindi

Life ka koi aim banaye. Usey paane ki koshish Karein. Jaise jaise apko sauces achievement milegi ap confidence se bhar jaenge. Aur busy hone ki wajeh se apne faltoo ke darro ko bhulte jaenge. Friends ye hua apke darr ka treatment aj se life me ye formule azmaen

Agar aap humse kuchh share karna chahte hain to neeche diye comment section mein apna comment likhein aur humein whatsapp no. #+91 9506505059 contact karein.

Until next time.

Image Sources: 1, 2, 3, 4, 5.


Leave a Reply

Your email address will not be published. Required fields are marked *