Apne Baare Mein Good Feel Kaise Karein-Positive Thinking

Emotion Managament

Apne Baare Mein Good Feel Kaise Karein-Positive Thinking

Apne Baare Mein Good Feel Kaise Karein

To read this article in English please click here

Apne Baare Mein Good Feel Kaise Karein-Positive Thinking – Aap apne aapse hate karne lage hain. Aapke looks achchhe nahin hain, kisi bhi group mein fit nahin hote hain, koi bhi aapko pasand nahin karta aur aap saare kaamin mein fail ho jate hain. Aap kisi bhi cheez ke layaq nahin hain. Aap notice kareinge ki aap poora din apne aap ko hi kosa karte hain. Ye ek important sign hai ki aap low self-esteem ke andhere mein phas gaye hain aur aapne apne aapko convince kar liya hai ki aap mein kuchh bhi achchhayi nahin hai.

Main aapse ek sawaal karti hoon – kya aap apne best friend ko aise hi treat kareinge jaise aap apne aapko kar rahe hain? Aapka answer nahin hoga. Aap unki spirits ko lift karne ki koshish kareinge. Unko batayeinge ki unki good qualities kya hain aur unhone kya achieve kiya hai. To aisa kyun hain ki aap apne aapke best friend nahin ban paa rahe ( aap mein bhi bahut saari good qualities hain aur aapne bhi bahut kuchh achieve kiy hoga). Inn tips ka use karke aap low self-esteem ke andhere se bahar nikal sakeinge aur apne baare mein good feel kar payeinge.

Apne Aapki Care Karein

Yaad kariye jab bhi aap apne new cloths try karte hain? … amazing feeling koti hai. Aap good feel karte hain. Aap hamesha achchha feel karte hain jab aap apni care karte hain. Apni daily ya weekly maintenance routine mein inhein add kariye aur polished-parsonality banaiye. [Apne Baare Mein Good Feel Kaise Karein-Positive Thinking]

Exercise: Apne goal ko poora karne ke liye lagatar mehnat karein, chahe woh weight lose karna ho, weight badhana ho, muscles banana hon ya phir sirf body movement ke liye ho. Jab aap regular exercise karte hain to usse aapko health aur beauty ke faiyde (benefits) to milte ho hain saath mein aapki mental health bhi improve hoti hai. Aapke happy hormones kaam karne lagte hain jab aap koi task poora karte hain au raapko isse satisfaction milta hai.

How to Feel Good About Yourself

Apne Baare Mein Good Feel Kaise Karein-Positive Thinking

Grooming: Hum sab apne aapki grroming thoda aur kar sakte hain. Aapko pata hai, cahe woh apki skin ho, body hair hon, nails, body odor( smell) kuchh na kuchh aur attention mangta hai. Inn sab ko routine mein laayein jaise aap nahate aur brush karte hain ussi tarah inn ko bhi regular maintain karein.

Clothing: Cloths choose karein jo aapko pasand ko jaise cloths ka cuts, colors aur fabrics, aur jo aapko compliment karein aur comfortable hon. Aap kabhi bhi uncomfortable cloths pehen ke bahar nahin jana chaheinge. Aapke facial expression se sabko pata chal jayega ki aap uncomfortable hain.

Apne Aapse Positive Talk Karein

Aksar darr ki wajah se hum ghabra jate hain. Bagair soche hum apnea apse negative baatein bolne lagte hain. “ koi mujhe pasand nahin karta”, Main khubsoorat nahin hoon” Main looser hoon”. App kya sochte hain? Gali baar jab aap aisa sochein to usse likh lein. Aisa tab hota hai jab koi aapko party mein invite karta hai ya phir aapko koi kaam poora karna ho. Sabse important hai ki aap apni negative soch ko positive mein badlein. Aur apnea aapse positive self-talk karein jaise “ Main isse kar sakta hoon”, Main zaroor jaunga” aur “ Sab theek hoga”.

Doosron Par Depend Mat Hon

Koi compliment deta hain to bahut achchha lagta hai par kisi aur ke judgment se aap low feel kar sakte hain. Isliye kabhi bhi doosron par depend mat hoiye. Jab koi kisi ko ek nazar dekte hain aur opinion bana lete hain aapke baare mein. Par kya woh aapko poori tarah se janta hai? Nahin. Akhir aapko aapse zaada koi nahin janta to phir kisi ke opinion se kya farak padta hai. aapka apne baare mein kya opinion hai ye sabse zaada important hai.

How to Feel Good About Yourself

Apne Baare Mein Good Feel Kaise Karein-Positive Thinking

Compare Karna Chhorh Dein

Ye bahut mazedaar hai jab bhi hum apne aapko kisi se compare karte hain to doosra person humesha better dikhega. Ye bahut common hai, aap apne baare mein negative soch-soch kar aapne isse apni aadat bana li hai. Jab aap apne aapko kisi se compare karna band kar deinge tab aap apni kamzoriyon ke bajaye apne aap par dhyaan de payeinge. Aur aapko improvement dikhega.

Good Social Circle Hona Chahiye

Hum sab par bahut cheezon ka asar padta hai jaise media, apne saath ke kaam karne waale log, boss, family aur friends. Agar aap dhyaan dein to pata chalega ki inmeinse sab aapke liye sahi nahin. Isliye aapko apna social circle bahut soch samajh kar banana chahiye. Ki Aapko kise saath apna quality time guzarna hai. Jab saath ke logon ki soch positive aur kush mizaaj hogi to aap bhi waisa hi feel karienge. Aur aapko inspire kareinge kuchh great karne ke liye. Aur jab kabhi aap low feel karoge to wo aapko support kareinge aur aapko unki positivity milegi.

Opportunities Milne Par Khushhon

Jab bhi koi opportunity aapko di jati hai to aap zadatar chahte hain ki kahin chhup jayein. Darr se aapko ghabrahat hone lagti hai ki aap ye kaam kaise kareinge. Par aise chhupkar aur bhag kar aap ka koi faiyda nahin hone wala. Haan agar aap iss kaam ko kar lete hain to aapki personality aur living standard badh jaige. Apne aapko confident banayein aur inn opportunities ko face karein aur saari opportunities ke liye greatful hon. Agar aap apne aapko force karke inn tasks ko poora ka sake to aap mein self-esteem aa jaiyegi.

How to Feel Good About Yourself

Apne Baare Mein Good Feel Kaise Karein-Positive Thinking

Apni Success Family aur Friends Ke Saath Share Karein

Chhoti aur badi saari success aur achievements aise hi na jaane dein, apni family aur friends ke saath share karein. Aapki ki mehnat se sab hua hai to sabko batane mein mat soochein. Aapki family aur friends ye sunn kar bahut khush honge aur aap par prode feel kareinge. Kyun ki woh aapse pyar karte hain aur wo sab aapko success mein shamil hona chahte hain. Jab aap unhein khush dekheinge to aapko bhi khushi hogi.

Compliments Ko Bhi Accept Karein

Complliments bhi khushi dete hain par jaisa ki uppar maine bataya hain ki compliments lightly lein unn par depend na hon. Agar koi aapko compliment deta hai to usse garace ke saath accept karein. Aap ko bhi achchha lagega aur aapko aur concentrate karne mein help hogi.

How to Feel Good About Yourself

Apne Baare Mein Good Feel Kaise Karein-Positive Thinking

Apna Mood Change Karein

Chahe koi kitna bhi great kyun na ho uska bhi bad day hota, to aapka bhi hai to koi baat nahin. Lakin next time aap better prepare rahiyega. Alert rahein jab kabhi bhi aap depressed feel kar rahe hon taaki aap depression ke andhere mein na chale jayein. Uppar di gayin tips ko follow kariye job hi aapko suit karti ho. Baat kariye, exercise karein ya phir jump kariye 😛 Misic sunein ya room se bahar niklein. Bahar jaane se aapko different atmosphere milta hai body aur mind ke liye. (Apne Baare Mein Good Feel Kaise Karein-Positive Thinking)

Life bahut khubsoorat hai isko aise hi useless na gawayein. Apne liye change layein aur good feel karein. High self-esteem aapke liye achchhi hai… isse aapko success aur happiness milti hai.

Agar aap kuchh poochhna ya batana chahte hain to neeche comment likhein ya phir whatsapp karein +919506505059

Untill next time
Jasmine

Image Sources: 1, 2, 3, 4, 5.

Apne Baare Mein Good Feel Kaise Karein-Positive Thinking


    1. Post mein Alag Alag Size ki heading hoti hain Jaise Post Ka Title H1 Heading hota sabse bada bold…. fir aur chota h2 then h3, h4, h5

Leave a Reply

Your email address will not be published. Required fields are marked *