Aap Apni English Speaking Ko Kaise Fluent Kar Sakte Hain

Spoken English, Communication

Aap Apni English Speaking Ko Kaise Fluent Kar Sakte Hain

People-talking-on-couch

To read this article in English please click here

Aap Apni English Speaking Ko Kaise Fluent Kar Sakte Hain – Aksar hum English Speakin ke time pressure feel karte hain. Kyunki hum jante hain ki humaari English upto standard nahin hai. Shayad itna time bhi nahin ki usko improve kar sakein ya hum apne daily ke routine kaamon mein itne busy hain, ya shayad hum sochte hain ki yeh ek bahut bada pahaar hai. To hum kaise fluently English bol sakte hain? Mere kuchh friends ne mujhe bataya ki unhone apni fluency kaise improve ki. Maine bhi unki in tricks ko notice kiya :P. Aur main bhi yahi karti hoon jab Hindi bolti hoon. Ayeiye aap bhi apni English Speaking ko improve karein in tips aur tricks se.

1- Mistakes Karne Se Ghabrayein Nahin

  • Grammar mistakes par zaada dhyan na dein.
  • Jab aap ghabrate hain to aap jo kehna chahte hai woh nahin keh paate hain.
  • Apne message par zaada dhyan dein jo aap kehna chahte hain.
  • For example, “give pen” vs “can you please pass me the pen”.
  • Dono ka matlab same hai, par pehla grammatically ghalat hai.
  • Agar aap dhyan se sune to foreigners bhi baat karte waqt ghaltiyan karte hain.

(Aap Apni English Speaking Ko Kaise Fluent Kar Sakte Hain)

Sound More Fluent in English

2- Baat Karein

  • Bas shuru ho jayein aur baat karein, batein apne aap niklein gi.
  • Jo bhi mind mein pehle aaye bol dijiye sochne ki zaroorat nahin.
  • Apni help ke liye, jo bhi dosra persona aap se pooch raha hai usko repeat karein. Jaise, “ What did you do yesterday?” aap kah sakte hain “ What did I do yesterday, I did xyz”.

(Aap Apni English Speaking Ko Kaise Fluent Kar Sakte Hain)

3- Common Expressions Ko Use Karein

  • Bahut saare common expression hote hain jinhe hum fillers kehte hain. Inki madad se hum fluent conversation kar sakte hain.
  • Ye usually har sentences ke end mein use hote hain, jaise, Okey 🙂
  • Aap common sayings/questions aur idioms bhi use kar sakte hain.
  • For example, “How are you?” aur “I feel a bit under the weather”.
  • Aap statements bhi de sakte hain aur apni conversation ko aage badha sakte hain jaise, “These days the weather has been changing”/ “The food is very tasty”.
  • Apne aas paas ke logon ko sune aur unke common expressions kaya hain notice karein.

(Aap Apni English Speaking Ko Kaise Fluent Kar Sakte Hain)

Sound More Fluent in English

4- Tone Aur Sound

  • Confidence se bolein chahe aap feel nabhi kar rahe hon. Isse log aap ki mistakes ko nazar andaaz kar deinge.
  • Normal speed se bolen. Nahi bahut tez nahi bahut dheere. Apne paas ke logon ko sune aur dhyan dein.
  • Saas lein aur jaldi na karein.
  • Accent mein baat karne ki koshish na karein isse aap fake sound kareinge. Hamesha natural tone mein baat karein.

(Aap Apni English Speaking Ko Kaise Fluent Kar Sakte Hain)

5- Body Language Ka Use Karein

  • Hand actions ka istemal karein apne message ko support karne ke liye.
  • For example, “want pen” bolte time aap pen ki taraf point bhi kar sakte hain.
  • Smile aur eye contact conversation mein bahut zaroori hai. Isse samne wale ko lagta hai ki aap baat karne mein interested hain.

(Aap Apni English Speaking Ko Kaise Fluent Kar Sakte Hain)

Sound More Fluent in English

Inko use karke dekhein. Main jab bhi bazaar mein hoti hoon, main hamesh common sayings aur authority/confidence se bolti hoon( bahut baar mujhe to unka matlab bhi nahin pata hota hai :)). Main doosron ko dekhke unke jaisa hi karti hoon jaise ”Arey Bhaiya ye kitna ka?” ( Unka full attention pane ke liye yeh ek abhut achchha tarika hai :P).

Until next time.
Jasmine

Aap Apni English Speaking Ko Kaise Fluent Kar Sakte Hain

Image Sources: 1, 2, 3, 4.


Leave a Reply

Your email address will not be published. Required fields are marked *